İranda kütləvi etiraz aksiyaları keçirilir

Oxunub: 167

İranın bir sıra şəhərlərində kütləvi etiraz aksiyaları keçirilir.
APA-nın Tehran bürosunun məlumatına görə, etirazlar əsasən İranın qərbində baş verib.

Bundan başqa cümə günü axşam saatlarında Lorestan əyalətinin Borucerd, Doroud, Çaharmahal Bəxtiyari əyalətinin Cunqan və Farsan, Kohquluye və Boyer-Əhməd əyalətlərinin Dehdəşt şəhərində vətəndaşlar etiraz aksiyaları keçirib.
İran rəsmiləri cümə gününə kimi ölkənin müxtəlif şəhərlərində keçirilən etiraz aksiyalarında azı 22 nəfərin saxlandığını təsdiqləyib.
Sosial şəbəkələrdə yayımlanan videolarda təhlükəsizlik qüvvələrinin bəzi şəhərlərdə atəş açdığı və gözyaşardıcı qazdan istifadə etdiyi göstərilir.
Qeyd edək ki, etirazlar İranda ərzaq məhsullarının qiymətinin kəskin artmasından sonra başlayıb.
Aksiyaların mərkəzi Xuzistan əyalətinin İzə, Dezful və Əndimeşk şəhərləri sayılır.
İRNA dövlət xəbər agentliyi etiraz aksiyalarının keçirildiyini qismən təsdiqləyib və 15 nəfərin saxlanıldığını açıqlayıb.
Foto
İranda kütləvi etiraz aksiyaları keçirilir

Xəbər lenti
Çox oxunanlar